Gjykata e Kavajës, ka vendosur të rrëzojë kërkesën e Gilmando Danit, njeriut të besuar të Emiljano Shullazit, për të dalë nga burgu i Rrogozhinës, ku vuan dënimin.Vendimi është marr pak ditë më parë nga gjykata e Kavajës, e cila pasi konstatoi mungesën e Danit në seancën gjyqësore, vendosi rrëzimin e kërkesës së tij.
“Gijotina.com” ka mësuar se Gilmando Danit i kanë mbetur për të vuajtur gati dy vite. Me sa duket gjatë këtij fundviti, implementimi i mekanizimit të amnistisë nga Ministria e Drejtësisë, mund të sjellë lirimin nga burgu të Gilmando Danit.
U dënua me 12 vjet për gjobvënie, Gilmando Dani kërkon lirimin me kusht
Gilmando Dani, një nga anëtarët e grupit të Emiljano Shullazit i dënuar me 12 vite burgim nga Gjykata e Posaçme e Apelit Tiranë, në muajin Korrik 2022, paraqitur kërkesën për të përfituar lirimin me kusht.
Kërkesa është depozituar në gjykatën e Kavajës, ku Dani pretendon të lirohet me kusht, pasi sipas pretendimeve të tij ka vuajtur 2/3 e dënimit me burg.
Dani, rezulton i dënuar me 12 vjet heqje lirie për akuzën e “Shtrëngimit me anë të kanosjes me qëllim marrje e pasurisë” kryer në formën e “Grupit të Strukturuar kriminal”.
Sipas gjykatës Gilmando Dani, së bashku me Emiljano Shullazin, Endrit Zelën dhe Edrit Qyqen, kërcënuan dhe gjobitën biznesmenin, Ylvi Beqja duke i marrë 5 herë çeqe bankare dhe 20% të ish-hotel “Vollga” në Durrës. Tashmë kjo kërkesë është rrëzuar nga Gjykata e Kavajës. Por pritet që në muajt në vijim Dani të përfitojë lirimin nga burgu për shkak të amnistisë që do aplikojë qeveria Shqiptare, për disa nga të dënuarit që u kanë mbetur më pak se dy vite burgim.
Discussion about this post