KESH sëbashku me një kompani private me emrin NOA janë përfshirë në një skemë korruptive për shit-blerjen e energjisë, ku humbjet të mëdha ngarkohen në xhep të qytetarëve.
Kjo kontratë përfshin shkëmbim energjie mes KESH dhe kompanisë NOA Energy, e cila këtë sasi do t’ia kthejë sërish Korporatës, brenda të njëjtës kohë. Pra, brenda të njëjtës ditë, por duke mos përcaktuar oraret.
Për shkëmbimin që bën me NOA Energy KESH merr edhe një interes të vogël, ndërsa privati merr fitime qindra mijëra euro brenda 24 orëve. Në kontratë evidentohet se, KESH i jep energji kompanisë NOA Energy për t’ia kthyer më pas këtë sasi në orare të tjera të ditës. Pra janë miliarda euro vjedhje në vetë 24 orë, duke bërë pazare për energjinë. Pikërisht këtu bëhen shkeljet dhe vjedhjet, sepse çmimet e energjisë ndryshojnë gjatë ditës dhe kështu NOA kur ia kthente energjinë që merrte ne mëngjes KESH, e shiste me një çmim shumë më të lartë në mbrëmje.
Skandali thellohet edhe më tej, kur me një vendim të datës 12 mars 2021, Autoriteti i Konkurrencës ka miratuar kërkesën për vazhdimësinë e kësaj kontrate mes NOA dhe KESH.
Pavarësisht se në kontratë ka shumë mangësi me aprovimin e saj Konkurrenca i ka propozuar KESH të pranojë kërkesën e NOA dhe kështu vjedhjet kanë vijuar lehtësisht.
“T’i rekomandojë ndërmarrjes KESH SHA që gjatë proçedurave për shqyrtimin e shprehjes së interesit të Shoqërisë “Noa Energy Trade” SHPK për lidhjen e një marrëveshjeje për shkëmbim të energjisë elektrike me KESH SHA: të garantojë përmbushjen e detyrimit për shërbim publik për furnizim të qëndrueshëm të konsumatorëve; të respektojë parimet e leverdisshmërisë ekonomike/energjitike në kushtet kur e kërkon situata hidrik”, thuhet në vendimin e Konkurrencës.
Pra, edhe pse kryeministri në një konferencë shtypi ka paralajmëruar krizë, KESH për shkak të një kontrate korruptive dhe abuzive, kur në skandal është përfshirë edhe Autoriteti i Konkurrencës, ka vazhduar t’i japë energji elektrike një subjekti privat, në një situatë qartazi monopoliste.
E.H/ gijotina.com
