Pas krizës që po kalon ekipi i Premier League, Manchester United duket se do ketë përpara një verë të vështirë në të cilën ata duhet të gjejnë trajner të ri të përhershëm dhe të zëvendësojnë një numër lojtarësh të ekipit të parë, gjë që ata kanë treguar një mungesë të vërtetë vullneti për ta bërë gjatë viteve të fundit.
Ish sulmuesi i djajve të kuq, Wayne Rooney ka dashur t’i japë një këshillë ish ekpitit të tij në lidhje me merkaton.
Rooney tha për programin e futbollit të së hënës në mbrëmje të “Sky Sports”, se “ata do të dëshironin që sezoni të ndalet tani nëse munden dhe të harrojnë Ligën e Kampionëve”
“Unë mendoj se ata duhet të rindërtojnë skuadrën, gjithçka rreth ekipit të parë, rreth klubit, për të siguruar që ata të vendosin veten në një pozicion ku në dy deri në tre vjet ata mund të jenë realisht sfidues në Premier League.”
Gjithashtu, Rooney beson se trajneri i Paris Saint-Germain, Mauricio Pochettino, është zgjidhja perfekte për të zëvendësuar trajnerin e përkohshëm Ralf Rangnick.
“Unë mendoj se Pochettino e ka bërë këtë në Premier League, ai solli shumë lojtarë të mirë edhe në Tottenham dhe Southampton. Nëse zgjedh, atëherë do të shkoj për Pochettino, ai di të punojë me lojtarë të klasit të lartë.Nëse i jep kohë, mendoj se do të bëjë mirë”, shtoi ai.
Një tjetër lojtar që është kritikuar shpesh këtë sezon si nga tiofozët ashtu edhe nga trajnieri është Cristiano Ronaldo, i cili u rikthye te Manchester United verën e kaluar dhe Rooney pranon se lëvizja nuk ka shkuar ashtu siç kishin shpresuar shumë. Gjithashtu për ish-shokun e skuadrës, Rooney u shpreh se sipas tij Manchester United i duhen futboolistë të rinj, pavarishtë performacës së yllit Portugez dhe golave të rëndësishëm që ai ka shënuar në Champions.
“Duhet të thoni jo në moment. Ai ka shënuar gola, gola të rëndësishëm në Champions League në fillim të këtij sezoni dhe hat-trick kundër Tottenham.Por unë mendoj se nëse jeni duke kërkuar për të ardhmen e klubit, duhet të shkoni me lojtarë më të rinj dhe të uritur për të bërë më të mirën e tyre për të ngritur Manchester United gjatë këtyre dy deri tre viteve,” komentoi ai.
Discussion about this post