Këshilli Evropian mori vendimin për pezullimin e pjesshëm të marrëveshjes për lehtësimin e vizave me Bjellorusinë. Shkak për këtë pezullim është bërë nevoja për të stimuluar krizën me migrantë në kufirin me Poloninë. Këshilli Evropian e cilësoi këtë si “sulm hibrid” të Minskut.
Sipas vendimit të KE-së, ky pezullim nuk do të prekë qytetarët e zakonshëm të Bjellorusisë, por vetëm zyrtarët.Marrëveshja mbi vizat konsiston në reduktimin e kërkesave për dokumente dhe tarifës së aplikimit për vizë.
“Ne e dënojmë dhe kundërshtojmë fuqishëm instrumentalizimin e vazhdueshëm të migracionit nga regjimi i Bjellorusisë”, tha ministri i Brendshëm slloven, Ales Hojs, i cili kryeson Këshillin e Punëve të Brendshme.
“Është e papranueshme që Bjellorusia të luajë me jetët e njerëzve për qëllime politike. Vendimi i sotëm tregon edhe një herë angazhimin tonë të përbashkët, për të vazhduar kundërshtimin e këtij sulmi të vazhdueshëm hibrid”, tha Hojs.
Vendimi erdhi pasi Polonia mbylli të martën një vendkalim përgjatë kufirit të saj me Bjellorusinë, sepse migrantët në anën bjelloruse u përpoqën të çanin një gardh, për të hyrë në Poloni – vend anëtar i BE-së.
Situata në kufirin mes Bjellorusisë dhe Polonisë është shfaqur e përkeqësuar. Qindra persona kanë mbërritur mëngjesin e sotëm në pikën kufitare Kuznica-Bruzgi, pranë qytetit bjellorus, Grodno. Videot e postuara në rrjetet sociale i tregojnë ata duke ecur në kolona përgjatë rrugës. Pamjet e tjera tregojnë forcat e armatosura të sigurisë me qenë, që i shtyjnë njerëzit nga pika kufitare dhe në autostradë.Shumë prej tyre prisnin në anët e rrugës dhe në pyjet ngjitur.
Komiteti Shtetëror i Kufirit konfirmoi zyrtarisht se qindra vetë ishin në rrugën drejt kufirit. Mediat shtetërore bjelloruse raportuan se emigrantët po kalonin kufirin për në Poloni.
Discussion about this post