Për kreun e Këshillit të Agrobiznesit Shqiptar, Agim Rrapaj, infromalitetin në sektorin e bujqësisë është shumë i lartë dhe ky shqetësim, sipas tij , nuk është trajtuar me vëmendje nga qeveria. Gjatë një interviste televizive ai tha se, për të realizuar këtë proces duhet të punojnë së bashku, Ministria e Bujqësisë, fermeri dhe donatorët, por në asnjë moment shteti nuk ka qenë i interesuar për ta mbështetur këtë sektor.
Ai thekson se duhet ndryshuar ligji në mënyrë që të mbështetet ky koordinim. “Nuk formalizohen se ka disa arsye. Duhet të punojnë Ministria, fermeri dhe donatorët që të realizojnë këtë proces. Kemi 3 grupe fermerësh që e përdorin tokën për veten e tyre këta janë shumicë kemi fermerë që u mbetet një tepricë që mund të formalizohen dhe ata që punojnë për eksport dhe këta formalizohen. Shteti nuk ka qenë i interesuar për ta mbështetur këtë sektor. Shteti i ka parë këto si sh.k.p, duhet ndryshuar ligji, nëse koordinimi nuk mbështetet me ligjin nuk ka për t’u bërë ndonjëherë. Është një nga plagët që nëse shërohet do shërojë shumë të tjera që janë të lidhura ngushtë me këtë plagë të madhe”, tha ai. Ndërsa, ekspertet thonë që së pari duhet të jetë qeveria transparente me fermerët në mënyrë që ata të krijojnë besimin dhe të licencohen.
E.H/ gijotina.com/
