Pas vendimit të Komisionit Qëndror të Zgjedhjeve, Këshilli për Rregulloren, Mandatet dhe Imunitetin është vënë në veprim dhe i ka dhënë sot përfundimisht mandatin e deputetit Pandeli Majkon. Mbledhja e Këshillit u zhvillua sot nën drejtimin e Kryetares së Kuvendit, Lindita Nikollës.
“Mbledhja e Këshillit për Rregulloren, Mandatet dhe Imunitetin shqyrtoi vendimin nr. 140, datë 04.04.2022, të Komisionit Qendror të Zgjedhjeve. Për dhënien e mandatit të deputetit të Kuvendit kandidatit të listës shumemërore të Partisë Socialiste të Shqipërisë, qarku Tiranë z. Pandeli Sotir Majko” dhe pasi verifikoi mandatin e deputetit z. Majko, ia kaloi seancës plenare të datës 11 prill 2022‘”,thuhet në njoftim. Pritet që vendimi të miratohet sot në Kuvendin e Shqipërisë.
Majko do të zëvendësojë në Parlament Alqi Bllako, pasi ky i fundit u arrestua pasi akuzohej nga SPAK për korrupsion dhe shpërdorim detyrë lidhur me aferën e inceneratorit të Fierit. Në 31 mars, Bllako dorëzoi mandatin e deputetit duke dërguar letrën në Kuvend, ndërsa KQZ nisi procedurat për ta zëvendësuar me Majkon. Majko ishte i 19-ti në listën e Tiranës, e po ashtu ishte besimplotë se Partia Socialiste do t’i fitonte po aq deputetë, nga 36 gjithsej që ka qarku i kryeqytetit, por plani i tij duket se nuk shkoi siç e kishte menduar, duke mos u betuar më 10 shtator.
Discussion about this post