Zbardhen detaje nga diskutimet që janë zhvilluar në mbledhjen e Këshillit Kombëtar të PD-së që drejtohet nga Sali Berisha.
Pas një fjalimi të gjatë të ish-Kryeministrit, i cili hodhi akuza ndaj Kryeministrit Edi Rama dhe SPAK, që e konsideroi si një strukturë të ngjashme me Sigurimin e Shtetit në kohën e diktaturës, mbledhja e Këshillit ka vijuar pa praninë e mediave.
Në diskutimet e zhvilluara, Berisha ka deklaruar se protesta në Kuvend mund të shkonte deri në grevë.
Ndoshta ky është një nga skenarët që mund të aplikohet nga opozita, ndërsa Berisha akuzoi Kryeministrin se e ka shndërruar opozitën në një grup njerëzish pa asnjë rol.
“Rama nuk na lejoi Komisionet Hetimore, po na shndërronte në njerëz pa asnjë rol, sepse ai synon të zhvlerësojë deputetët e opozitës”, ka deklaruar Berisha.
Gjithashtu ish-Kryeministri ka pohuar se zgjedhje me Edi Ramën nuk mund të ketë, pasi ai vetëm manipulon procesin.
Ndërkohë deputeti Bujar Leskaj e cilësoi vendosjen nën hetim të Sali Berishës, duke anashkaluar Kuvendin, përsa i takon masave të sigurisë ndaj tij, si një sulm që cënon sigurinë juridike.
Edi Paloka, deputet i PD-së, ka kërkuar nga anëtarët e Këshillit Kombëtar, që të jenë në ballë të takimeve me qytetarët. “Kemi qenë në kushte të vështira, por fituam. Të dalim ne të parët dhe t’u japim shpresë njerëzve”, tha Paloka në diskutimet që po zhvillohen në Këshillin Kombëtar. Gjithashtu ai paralajmëroi se aksioni opozitar në Kuvend do të vijojë.
Discussion about this post