Këta janë babë e bir, të ekzekutuar sot në Dukagjin (FOTO)

Gjokë dhe Eduard Gurra janë babë e bir, të cilët janë ekzekutuar sot në fshatin Bruçaj të Dukagjinit.

Mësohet se persona që nuk janë identifikuar, iu kanë djegur shtëpinë një natë më parë. Babë e bir janë nisur për të parë se kush ua ka djegur banesën, por se aty janë vrarë.

Ende nuk dihet arsyeja e ngjarjes së rëndë dhe autorët janë po ashtu të paidentifikuar.

Policia vendore e Shkodrës është nisur drejt vendngjarjes ndërsa është e paqartë përse ka ndodhur kjo ngjarje e rëndë.

“Shkodër/Informacion paraprak

Rreth orës 16:40, në fshatin Sumë, Njësia Administrative Pult, në rrethana ende të paqarta janë vrarë me armë zjarri shtetasit Gj. G., 57 vjeç dhe djali i tij, E. G., 31 vjeç, banues në lagjen “Partizani”, Shkodër.

Shërbimet e Policisë dhe Grupi hetimor janë nisur menjëherë për në vendngjarje.

Me mbërritjen e shërbimeve dhe sqarimin e rrethanave të ngjarjes do të japim përsëri njoftim më të detajuar”, njoftoi policia.