Një ngjarje dramatike ka ndodhur sot në mëngjes në vendin tonë. Dy turistët italianë Domenico Gritto, 24 vjeç dhe Vincenzo Tizzano, 42 vjeç, të dy me origjinë nga Pozzuoli, në Napoli, kanë humbur jetën në një aksident rrugor në Ksamil.
Identifikimin e tyre e kanë bërë mediat italiane, që kanë raportuar ngjarjen e rëndë të ndodhur në mëngjesin e sotëm në Ksamil.
Të dy ishin duke u kthyer nga Saranda në një motor kur janë përplasur nga një makinë ‘Benz-Mercedez’ që drejtohej nga 17-vjeçari Elio Rraku. Ky i fundit përpos të tjerash nuk ka mbushur as moshën për të pasur patentë.
Trupat e italianëve kishin mbetur poshtë makinës dhe është dashur kohë të nxirren prej andej. Shkaktari i aksidentit Elio Rraku ndërkaq u arrestua sot.
Discussion about this post