Avokati Altin Goxhaj, i cili prej fillimit ka mbështetur protestën e studentëve kundër vaksinimit me detyrim, sot ka folur mbi ecurinë e protestës.
Ai tha se protesta ka marrë tani rrugën ligjore për të rrëzuar vendimin për vaksinimin e detyrueshëm dhe se shumë shpejt do të marrë formën e duhur.
Ndërsa tregoi se mbi 100 mijë studentë e kanë refuzuar vaksinën, ai tha se përkrah tyre qëndrojnë dhe dhjetëra pedagogë.
Goxhaj tha se, kanë paditur të gjithë ata që janë përgjegjës për marrjen e këtij vendimi që nga Mira Rakacolli te ministrja e Shëndetësisë, Ogerta Manastirliu
“Dita e djeshme bëri kalimin nga muaji shtator, në muajin tetor- nëntor. Kjo është faza e përballjes. Janë rreth 100 mijë studentë të pavaksinuar këtu fillon beteja të cilët kanë pranuar të humbin vitin dhe jo të vaksinohen.
Dje filluam aksionin ligjor që nesër fillon merr formë, ne patëm kontakte me grupe studentore të cilët po marrin përgjegjësi për përballje reale ligjore, ku do ju them publikisht shumë pedagogë janë në krah, jo vetëm pedagogë por edhe nivele të larta të hierarkisë universitare në të gjithë Shqipërinë sepse edhe ata kanë fëmijë dhe e kuptojnë se çfarë po ndodh.
Këtë javë fillon përballja ligjore në tre drejtime, fillon në kallëzime penale drejtuar gjithë hierarkisë. Nuk i kemi futur Ramën sepse mos mendojnë këta të kallëzuarve që ti lemë këta vetëm.
. Ramën nuk e kemi vëmë për të qenë vetëm pa Ramën, këta do të mbajnë përgjegjësi personale pasi politika do ti braktisë. Nga ana tjetër kemi ankimet te komisioneri për mbrojtjen kundër diskriminimit që i bëhet studentëve të pavaksinaur në raport me të vaksinuarit për shkaqe të infektimit të të tjerëve. Ndërkohë që studentët e vaksinuar janë po aq infektues sa të pavaksinuarit.
Tashmë kemi dokumente shkencorë dhe prova ligjore për të fituar gjyqe. Studentët do të firmosin padinë kolektive 1000 paditës, ne kemi fushatën tonë që synon “Shqipëria kundër vaksinimit të detyruar” që synon të kalojë në fazën e popullit të pavaksinuar, ne përfaqësojmë mazhorancën e qytetarëve, ne përfaqësojmë 70% të shqiptarëve”, tha Goxhaj.
Sipas avokatit, studentëve protestues iu bëhet presion por protesta po fillon të japë efektet e saj.
