Këto janë filmat dhe serialet me të shikuar në 2023 sipas Netflix

Netflix, platforma gjigande e transmetimit, vazhdimisht vë në dijeni përdoruesit e saj për filmat dhe serialet më të ndjekur gjatë muajve apo vitit të fundit. Gjatë këtyre mujave të vitit 2023, një sërë serialesh duket se kanë mbërthyer shikuesit para ekranëve. Lista e nxjerrë nga Netflix është hartuar në bazë të orëve që përdoruesit kanë shpenzuar për t’i ndjekur ato, në ndryshim nga viti 2021 kur platforma gjurmonte numrin e llogarive që janë regjistruar të shikojnë një serial apo film.

Seriali “Ginny and Georgia” kryeson në vendin e parë deri më tani. Ai shoqërohet nga “Wednesday” në vendin e dytë dhe “You” në të tretin. Për sa i përket filmave, “Glass Onion: A Knives out Mistery” mban vendin e parë, “Your Place or Mine” në të dytin, dhe “We have a Ghost” në vendin e tretë.

Prodhimet origjinale të platformës përfshijnë edhe serialet e huaja, si “Squid Game”(serial Korean) dhe “Money Heist” (serial spanjoll), të cilat vazhdojnë të ngjallin interes tek shikuesit edhe në vitin 2023.

Netflix numëron sot 230.7 milionë të abonues nga e gjithë bota dhe rezulton që 37.773 prej tyre janë llogari të abonuesve shqiptarë.