Dalin detaje të reja nga krimi i rëndë që tronditi Greqinë. Një burrë i sapodivorcuar vrau gruan, fëmijën 1 vjeç dhe në fund veten. Shkak për këtë ngjarje që ndodhi në Kavalla, duket se ka qenë kujdestaria e fëmijës. Autori kishte mosmarrëveshje me bashkëshorten, e cila kishte plan të merrte fëmijën dhe të jetonte në Gjermani.
Ndërkohë ka dalë në dritë shënimi i fundit që 56-vjeçari ka lënë para se të kryente krimin tragjik.
Ne letrën e gjetur në dhomën e 56-vjeçarit shkruhet: Këtu fillon dhe këtu mbaron dashuria jonë. Në këtë dhomë u njoha me Annën (ish-gruaja që vrau), këtu u dashuruam, këtu shkëmbyem puthjen e parë.
Ndërkohë detajet për vrasjen e nënë e bir janë rrëqethëse mSipas informacioneve nga policia, mësohet se 56-vjeçari vrau fillimisht foshnjën dhe pastaj ish-gruan, 31-vjeçare.
Protothema.gr raporton se pasi 56-vjeçari qëlloi për vdekje fëmijën dhe ish-gruan, telefonoi kushëririn dhe i kërkoi që të shkonte te stalla që në fshat, vendi i tragjedisë.
Pasi mbylli telefonin ai qëlloi veten. Kushëriri i autorit ka thënë për Antenna TV se pas telefonatës shkoi menjëherë te stalla, ndërsa pohoi se dëgjoi tre të shtëna.
Atje ai u përball me një skenë të frikshme, me trupat e pajetë të nënës dhe të foshnjës që ishin afër dhe më tutje trupi i pajetë i 56-vjeçarit.
Discussion about this post