Mesfushori i Manchester Cityt, Kevin De Bruyne ka konfirmuar se do të largohet nga klubi pas 10 vitesh pasi i përfundon kontrata. Belgu reagoi në rrjetet sociale për të bërë të ditur vendimin e tij, duke deklaruar se “ju pëlqen apo jo, është koha për të thënë lamtumirë”.
Në një letër publike, ai falenderoi tifozët për emocionet.
“Këta do të jenë muajt e mi të fundit si lojtar i Manchester Cityt. Asgjë në lidhje me këtë nuk është e lehtë të shkruhet, por si futbollist të gjithë e dimë se kjo ditë përfundimisht vjen. Ajo ditë është tani dhe ju meritoni ta dëgjoni fillimisht nga unë”, shkroi fillimisht belgu.
De Bruyne do të largohet si legjendë e Manchester City dhe Premier League. Që kur iu bashkua klubit në vitin 2015, ai ka luajtur për “Qytetarët” 413 herë dhe ka shënuar 106 gola. Ai ka fituar gjashtë tituj të Premier League, dy Kupa FA, pesë Kupa të Ligës dhe një Ligë të Kampionëve, duke qenë një lojtar kyç për shumicën e atyre triumfeve.
“Ne nuk mund të falenderojmë qytetin, klubin, stafin, shokët e skuadrës, miqtë dhe familjen sa duhet për këtë udhëtim 10-vjeçar. Çdo histori merr fund, por ky ka qenë padyshim kapitulli më i mirë. Të shijojmë së bashku këto momente të fundit”, thuhet në letrën falenderuese.
33-vjeçari ka qenë i lidhur me shumë klube në Ligën Saudite Pro dhe MLS, ndaj një lëvizje në një nga ato liga duket më e mundshme se një në një tjetër klub në Evropë.
Dear Manchester. 💙 pic.twitter.com/2EdhVYOLti
— Kevin De Bruyne (@KevinDeBruyne) April 4, 2025
Discussion about this post