Keylor Navas e ka bërë të qartë se nuk ka ndër mend ta lërë Gianluigi Donnarumman t’i marrë vendin aq lehtë te PSG dhe i ka dërguar edhe një herë tjetër një mesazh italianit.
Në ditëlindjen e tij të 35-të, portieri nga Kosta Rika ka folur edhe për konkurrencën që ka me rivalin e tij, të afruar në Paris gjatë merkatos së verës.
Keylor Navas ka folur për konkurrencën me Gianluigi Donnarumma në ditëlindjen e tij të 35-të
“Kam përvojë, mund të ruaj qetësinë dhe kam vetëm një ide në mendje: të ndihmoj skuadrën. Unë gjithmonë dua të përmirësohem, mendoj për të punuar. Jam i bindur që mund të përmirësohem gjithmonë, të punoj në detaje, kjo do të më bëjë një portier më të mirë”, tha Navas.
I pyetur për qëllimet deri në fund të sezonit ai u përgjigj:
“Fitorja. Për mua kjo është gjëja më e rëndësishme: të fitosh, thjesht të fitosh. Është e vetmja gjë që kam në mendje. Dua të vazhdoj kështu. Dua të luaj sa më shumë ndeshje, të ndihmoj ekipin, të fitoj tituj dhe vazhdojmë të shkruajmë histori.”
Discussion about this post