Zyrtarisht janë larguar nga pika kufitare në Jarinje, trupat e KFOR-it, pas qëndrimit të tyre dyjavor, si rezultat i zhvillimeve që ndodhën me masën e reciprocitetit me targat.
Në këtë zonë nuk janë parë madje as rrugës prezencë të trupave ndërkombëtare të NATO-s.
Ditë më parë situata ishte tensionuar dhe rrugët për pikat kufitare në Jarinjë dhe Bërnjak ishin bllokuar nga serbët lokalë në shenjë proteste pasi qeveria e Kosovës vendosi masën e reciprocitetit për veturat me targa serbe.
Kjo situatë solli edhe një marrëveshje mes Kosovës dhe Serbisë në Bruksel e cila parashikonte edhe vendosjen e trupave të KFOR-it në pikat 1 edhe 31 për dy javë e të cilat u larguan sot kur në Kosovë mbahen zgjedhjet lokale
