Ushtarët austriakë, hungarezë dhe polakë kanë përkujtuar së bashku 208 heronjtë e rënë që prehen në varrezat ushtarake të Pejës gjatë Luftës së Parë Botërore.
Kjo ceremoni u kryesua nga komandati i KFOR-it, major gjeneral Ferenc Kajari, shkruan KFOR në një postim në rrjetin social “Facebook”.
“Ne jemi sot këtu dhe kujtojmë ata, të tregojmë se sakrifica e tyre nuk ishte e pakuptimtë. Ne nuk i njohim të gjithë, por ua kemi borxh të gjithëve”, tha Kajari.
Në fund të ceremonisë, komandanti i KFOR-it, zëvendësi i tij dhe personalitete të tri vendeve pjesëmarrëse, vendosën kurora lulesh në memorialin e luftës.
Në ceremoni ishin të pranishëm dhe një numër i madh qytetarësh.
