Kiara Tito rikthehet në Top Channel pas suksesit të bujshëm në “Big Brother VIP 2”.
Tashmë moderatoren do e shohim çdo të diela mbrëma përgjatë verës nën drejtimin e emisionit veror “Kepi i VIP”-ave.
Ajo ka zbuluar në një intervistë ekskluzive për Edicionin Informativ se si ndihet në këtë rikthim të sajin në Top Channel, të cilën e konsideron shtëpinë e saj të parë mediatike.
“Më emocionon dhe më bën të ndihem krenare për veten. Nuk është e thjeshtë sepse unë kam 10 vite që jam pjesë e ekranit dhe kam fantazuar gjithmonë që një ditë duke ngjitur shkallët, avash-avash ashtu siç unë kam bërë, do të arrij në pikën që unë jam sot”, u shpreh Kiara.
Kujtojmë se në vitin 2015 Kiara Tito filloi karrierën televizive si prezantuese në Top Channel me programin Select. Sot ajo rikthehet aty ku e nisi rrugën e saj televizive. Po a ishte pjesëmarrja në Big Brother një arsye që Kiara të rikthehej edhe njëherë në Top Channel?
“Nuk ishte arsyeja kryesore që un hyra në Big Brother, po përveçse kisha dëshirë të sfidoja veten, kushdo nga ne, mos të gënjejmë ka dëshirë për një hap më shumë, për një katapultim në karrierë kështu që kjo ishte dhe ideja ime për të marr pjesë në Big Brother. Në këto momente është mirë që të punosh fortë, ta shfrytëzosh për veten tënde sepse gjithçka është kaluese”, tha moderatorja.
KU DO PUNOJË KIARA PAS “KEPIT TË VIP-ave”?
Por jo vetëm kaq, pasi Tito ka zbuluar se çfarë do të bëjë pas përfundimit të sezonit të parë të “Kepit të VIP”-ave. E mesa duket ish-banoren e “Big Brother VIP 2” do ta shohim sërish në ekranin e Top Channel.
Discussion about this post