Xhiorxhio Kielini ka mbyllur sot karrierën e tij si futbollist i Juventusit dhe e ka bërë si gladiator, në mënyrën e tij tipike, duke dalë i gjakosur nga fusha e lojës. Edhe pse ishte ndeshja e tij e fundit ai ka luajtur si gjithmonë duke dhënë maksimumin për aq sa luajti.
Në ndeshjen ndaj Fiorentinës, Kielini e nisi si titullar për të luajtur minutat e tij të fundit me fanellën bardhezi. Megjithaë ato ishin vetëm 45, pasi në fund të pjesës së parë, pas një përplasjeje me Piontek, Kielini përfundoi i gjakosur në kokë për shkak të të të çarës mbi vetull.
Alegri nuk kishte pse të rrezikonte lojtarin e tij i cili në raste të tilla vazhdonte ndeshjet me kokën e fashuar. Por me Juventusin që nuk luante për asgjë, është vendosur që Kielini të mos luante në pjesën e dytë, duke u zëvendësuar në pushimin e sfidës, për t’i dhënë lamtumirën Juventusit në mënyrën e tij luftarake.
Discussion about this post