Parlamenti ukrainas ratifikoi dje marrëveshjen me Shtetet e Bashkuara të Amerikës – për të krijuar një fond të përbashkët rindërtimi – duke i dhënë Uashingtonit akses në burimet natyrore – si pjesë e një përpjekjeje më të gjerë për të siguruar mbështetjen afatgjatë të SHBA-së.
“Ligji u miratua me 338 vota, nga 226 votat e nevojshme”, sipas agjencisë së lajmeve “Interfax-Ukraine”.
Marrëveshja vjen pas disa javësh negociatash dhe synon forcimin e bashkëpunimit afatgjatë midis SHBA-së dhe Ukrainës mes pushtimit të vazhdueshëm të Rusisë.
Presidenti ukrainas, Volodymyr Zelensky e quajti marrëveshjen – një dokument historik që hap shumë mundësi të reja për bashkëpunim, në një postim në platformën X.
Dy marrëveshje të tjera që përshkruajnë detajet teknike pritet të finalizohen në fillim të javës së ardhshme.
“SHBA-ja është e gatshme të investojnë në ekonominë tonë, në nëntokën tonë. Ukraina mban pronësinë e mineraleve dhe nëntokës”, tha ministrja e Ekonomisë, Yulia Svyrydenko.
Ajo shtoi se marrëveshja nuk përfshinte asnjë borxh ukrainas në lidhje me transferimet mëparshme të armëve nga SHBA-ja.
Ukraina ka luftuar kundër pushtimit rus në shkallë të plotë për më shumë se tre vjet – me mbështetjen perëndimore.
Discussion about this post