Kievi bën bilancin: Rusët humbën 12 mijë burra, 317 tanke dhe 49 avionë

Shtabi i përgjithshëm ukrainas ka publikuar bilancin e humbjeve ruse. Këto janë të dhëna, megjithatë duhet thënë se nuk konfirmohen nga pala tjetër.

Sipas forcave të armatosura të Kievit, deri në mëngjes rusët kanë humbur mbi 12 mijë burra, 317 tanke, 1070 mjete luftarake të blinduara, 120 sisteme artilerie, 56 granatahedhës raketash (MLRS), 28 sisteme të mbrojtjes ajrore, 49 avionë.

Po ashtu 81 helikopterë, 482 automjete, tre varka, 60 cisterna dhe shtatë drone.

Kujtojmë që  është dita e 13-të që Ukraina po përballet me agresionin rus ku humbjet njerëzore janë të larta nga të dyja palët.