Kryetari i bashkisë së Kievit, Vitali Klitschko ka shpallur një shtetrrethimi të ri për kryeqytetin ukrainas nga ora 17:00 deri në 08:00 me orën lokale (15:00-06:00 GMT). Masa, e cila hyn në fuqi nga sot, zëvendëson shtetrrethimin e mëparshëm nga ora 22:00 deri në orën 07:00.
Klitschko paralajmëroi në Twitter se: “Të gjithë civilët në rrugë gjatë shtetrrethimit do të konsiderohen anëtarë të grupeve të sabotimit dhe zbulimit të armikut”.
Më herët, presidenti Zelensky tha se Rusia ka goditur zonat e banuara duke përdorur raketa dhe armatime të rënda. Duke u bërë thirrje të gjithë ukrainasve të kthehen për të mbrojtur vendin e tyre, presidenti gjithashtu kërkoi ndihmë edhe nga shtete të tjera, që të marrin pjesë.
Discussion about this post