Kemal Kilicdaroglu, rivali i Taip Erdoganit, ka kërkuar nga rinia turke që ta mbështesë në raundin e dytë të zgjedhjeve që do të zhvillohen më 28 Maj, duke u shprehur se kanë mbetur vetëm 12 ditë për të dalë nga ai tunel i errët.
“Të dashur të rinj,
Raundi i parë ka përfunduar. E vërteta më e madhe është se mesazhi i ndryshimit erdhi nga kutia e votimit. Ata që duan ndryshim tani janë më shumë se ata që nuk duan në këtë vend.
Megjithatë, ajo që është gjithashtu e qartë, është se ne jemi partia që duhet të luftojmë shumë më fort për të hequr qafe një pushtet kaq të pamëshirshëm. E mora mesazhin edhe nga të rinjtë. Unë e respektoj atë. Unë do t’i dëgjoj shqetësimet e tyre, por dua që edhe ata të më dëgjojnë mua.
E di që barrën më të madhe ua kanë lënë të rinjve. Ju nuk keni para të mjaftueshme për asgjë. Duhet të mendoni edhe për një kafe. Gëzimi i jetës ju është vjedhur.
Nuk ju lanë ta përjetoni atë, as edhe për një ditë. Siç pretendojmë ne, ata janë të bashkuar kundër jush. Tani le të shohim, çfarë kemi në fund të ditës, një errësirë pa fund… E kuptoni? Rinia juaj nuk do të vijë më kurrë.
Kemi 12 ditë të dalim nga ky tunel i errët”, theksoi ai.
Discussion about this post