Ditën e sotme ka zhvilluar mbledhjes e radhës, Instituti për vajzat dhe gratë në politikat e sigurisë kombëtare dhe ndërkombëtare.
E pranishme në aktivitet është edhe ambasadorja e SHBA në Tiranë, Yuri Kim, e cila gjatë fjalës së saj vuri theksin në tre prioritete, demokracia, mbrojtja dhe biznesi.
“Puna jonë në ambasadën amerikane fokusohet në tre prioritete: demokracia, mbrojtja dhe biznesi. Institucionet e sigurta janë të nevojshme për sundimin e ligjit, zbatimin e Reformës në Drejtësi, institucionet dhe biznesi”, u shpreh ambasadorja Kim.
Instituti për Vajzat dhe Gratë në Politikat e Sigurisë Kombëtare dhe Ndërkombëtare është një program trajnimi 4 ditor, në kuadër të 70 vjetorit të krijimit të NATO-s dhe 10-vjetorit të anëtarësimit të Shqipërisë në NATO. Ky program është frymëzuar nga Study of the U.S. Institute for Scholars on U.S. National Security.
