Disa javë më parë, Kim Kardashian ishte pjesë e një performance krah aktorit Pete Davidson në rolin e Jasminës dhe Aladinit në “Saturday Night Live”. Gjatë premierës ata shkëmbyen një puthje të gjatë e cila shkaktoi disa dyshime në publik.
Ata duket se janë bërë shokë shumë të mirë me njëri-tjetrin pasi disa orë më parë janë parë së bashku në një kënd lojërash teksa po shijonin shoqërinë e njëri-tjetrin. Me ta ishin dhe disa miq të tjerë të përbashkët.
Sipas shumë fotove të publikuara dhe videove, ata janë parë të kapur prej duarsh teksa ishin në një “rollercoaster”. Një burim për “People” ka treguar se mes tyre nuk ka asgjë më shumë sesa një shoqëri, ndodh shpesh që të jenë nën shoqërinë e njëri-tjetrit pasi bëjnë pjesë në të njëjtin rreth shoqëror.
Kujtojmë se Kardashian edhe pse po ruan një raport miqësor me ish partnerin e saj Kanye, ende po vijon me procedurat e divorcit. Nga ana tjetër edhe komediani Pete mendohet se është ndarë së fundmi nga lidhja e tij me aktoren, Phoebe Dynevor pasi kishin konfirmuar marrëdhënien e tyre në korrik të këtij viti.
