Ambasadorja, Yuri Kim, ka vizituar sot Tropojën për një festim të hershëm të Ditës së Falënderimeve me nxënësit pjesëmarrës në programin e Gjuhës Angleze të Ambasadës së ShBA. Por, e në këtë rast Kim nuk e ka humbur mundësinë për të dhënë një mesazh të koduar nga Tropoja, vend të cilin e vizitoi një ditë më parë.
Në një nga fotot e publikuara në faqen zyrtare të Ambasadës Amerikane shihet që Kim i pret kokën një gjeli të pjekur në tavë. Ambasadorja ka treguar se ka shkuar në Tropojë në kuadër të Ditës së Falënderimeve, por nuk kanë munguar komentet në rrjet, të cilët aludojnë se, duke qenë se Tropoja është vendlindja e ish-kryeministrit Sali Berisha, i cili është shpallur non-grata nga Departamenti Amerikan i Shtetit, fotoja ku Kim pret kokën e gjelit mund të jetë një mesazh i koduar për të.
Dita e Falënderimeve është një festë unike amerikane. Së bashku me familjen e miqtë ata shtrojë një darkë të veçantë, ku tradicionalisht serviret si pjatë kryesore gjeli i detit. Dita e Falënderimeve është edhe festa më familjare për amerikanët, kur brezat mblidhen për të shprehur falënderime për bekimet që u ka ofruar jeta.
Dita e Falënderimeve është një traditë e krijuar që në vitet e para të kolonizimit të Amerikës nga të bardhët, kur familjet që i kishin mbijetuar dimrit të egër, u mblodhën me fqinjët indigjenë për të shprehur mirënjohje dhe falënderime për jetën në tokën e re.
Discussion about this post