Koreja e Veriut planifikon të lëshojë tre satelitë të tjerë spiun vitin e ardhshëm si pjesë e përpjekjeve për të rritur ushtrinë e saj, ka thënë media shtetërore e vendit.
Muajin e kaluar Pheniani vendosi një satelit spiun në hapësirë dhe pretendon se që atëherë ka fotografuar objektet kryesore ushtarake të SHBA dhe Koresë së Jugut.
Duke përcaktuar synimet e tij për vitin 2024, Kim Jong Un tha gjithashtu se marrëdhëniet e tij me Korenë e Jugut do të shihnin “ndryshim themelor”.
Ai shtoi se nuk kishte zgjidhje tjetër veçse të vazhdonte me planet e tij për armatimet bërthamore.
Duke folur të dielën, Kim goditi SHBA-në, duke thënë, sipas mediave shtetërore: “Për shkak të lëvizjeve të pamatura të armiqve për të na pushtuar, është një fakt i kryer që një luftë mund të shpërthejë në çdo kohë në gadishullin Korean.”
Ai tha se Koreja e Jugut ishte shndërruar në një “bazë ushtarake përpara dhe arsenal bërthamor” të SHBA-së.
Discussion about this post