Ambasadorja e SHBA-së në Tiranë, Yuri Kim ka publikuar disa foto nga takimet e djeshme të Gabriel Escobar, teksa i ka shoqëruar dhe me një mbishkrim në rrjetin social “Twitter”. Kim shkruan se këto vizita të Zëvendës Ndihmës Sekretari Amerikan i Shtetit janë në favor të forcimit të marrëdhënies mes dy vendeve dhe një rikonfirmim i mbështetjes së SHBA ndaj Shqipërisë ndaj anëtarsimit në BE. Sipas Kim, gjatë vizitave të tij, Escobar ka nënvizuar dhe njëherë fokusin që SHBA ka ndaj luftës së korrupsionit dhe pandëshkueshmërisë në Ballkanin Perëndimor.
“Ai nënvizoi ?? fokusin e SHBA-së në luftën kundër korrupsionit, mosndëshkimit dhe përpjekjeve për të minuar demokracinë në Ballkanin Perëndimor”, shkruan Kim.
Ditën e djeshme Zëvendës Ndihmës Sekretari Amerikan i Shtetit, Gabriel Rscobar takoi kreun e Partisë Demokratike, Lulzim Basha ku pas kësaj vizite në selinë blu, u shpreh i lumtur që ndodhet në Tiranë, teksa vlerësoi gadishmërinë e opozitës ndaj luftës kundër korrupsionit dhe integrimit në BE.
“Jam shumë i lumtur që ndodhem në Tiranë, është vizita ime e parë në Shqipëri dhe më kanë rezervuar një mikpritje shumë të ngrohtë. Isha gjithashtu i lumtur që kisha mundësi të takohesha me opozitën dhe ata kanë shprehur angazhimin e tyre ndaj NATO-s, integrimit europian dhe luftës ndaj korrupsionit. Jemi gjithashtu të kënaqur që jemi pjesë e kësaj, përfshirë dhe përpjekjet tona të forta kundër korrupsionit, përfshirë sanksionet. Por për ta kthyer këtë në realitet do të nënkuptoj dhe kërkoj një përkushtim të fortë nga institucionet shqiptare. Pres me kënaqësi të zhvilloj takime të tjera pasdite dhe gjithashtu pres me kënaqësi vijimin e marrëdhënieve me PD, gjithashtu pres me kënaqësi që të takoj zotin Basha në Washington së shpejti”, tha Escobar.
Ky takim vetëm dy ditë para Kuvendin Kombëtar të PD-së, thirrur nga ish-kryeministri Sali Berisha, i cili është shpallur “non-grata” nga SHBA, u pa si një mbështetje e zyrtarëve të SHBA-së ndaj kreut aktual Lulzim Basha.
Discussion about this post