Ambasadorja amerikane, Yuri Kim me anë të një postimi në Twitter shprehet se SHBA mbështet hapjen e negociatave për vendet e Ballkanit Perëndimor para fundit të vitit 2021.
Po ashtu Kim shkruan se SHBA mbështet edhe nismën e Ballkanit të Hapur dhe nismat që promovojnë integrimin duke theksuar se pjesë e kësaj nisme duhet të bëhen të 6 vendet e Ballkanit Perëndimor.
“Angazhimi i SHBA-së ndaj Ballkanit Perëndimor mbetet i fortë, duke mbështetur hapjen e negociatave para fundit të vitit 2021. Mbështesim “Ballkanin e Hapur” që duhet të jetë i hapur për 6 vendet e Ballkanit Perëndimor dhe nisma të tjera që promovojnë integrimin rajonal”, shkruan Yuri Kim.
