Ish-kryeministri Sali Berisha, i cili në një deklaratë për mediat dorëzoi 4200 firmat e mbledhura për thirrjen e Kuvendin Kombëtar të Partisë Demokratike, në pyetjet e gazetarëve nuk i shpëtoi as komenti i dhënë sot nga ambasadorja e SHBA, Yuri Kim. Kim u shpreh sot se zyrtarët amerikan nuk mund të pijnë kafe me dikë që shpallet non-grata nga SHBA.
Lidhur me këtë qëndrim të Yuri Kim, Berisha theksoi sërish se çdo provë që disponohet në emrin e tij t’i dërgohet Gjykatës së Parisit.Berisha shtoi se foltorja gëzon mbështetjen jo vetëm të Shqipërisë e shqiptarëve, por edhe përtej kufirit.Berisha theksoi se përfaqësues të vendeve mike në Europë dhe SHBA janë entuziastë për këtë nismë që ai ka ndërmarrë dhe madje nuk binden dhe nuk pajtohen me vendimin e shpalljes non-grata.
“Së pari, më duhet të them se Foltorja ka zgjuar shpresa të mëdha në mbarë botën, dhe unë dua t’u informoj se kjo pritje që shihni në Shqipëri për Foltoren, nuk është më pak entuziaste në vendet mike. Nuk janë më të pakta përgëzimet që marr për këtë nismë shpëtimtare të pluralizmit vendet evropiane, por edhe nga nivele të larta të elitës në SHBA, në krahun republikan.“
Berisha tha se teoria kemi prova po nuk i themi duhet të marrë fund, e përsa i përket “kafes me ambasadoren”, Berisha tha se me ardhjen në pushtet do të forcojë marrëdhënien e Shqipërisë me SHBA-në.
“Zonjës dhe cilitdo tjetër i them se nëse ka një provë, fakt të vetëm e ftoj t’i dërgojë në gjykatën në Paris. Shpreh kënaqësinë time të madhe, se miq, përfaqësues të vendeve mike, të elitës amerikane nuk pranojnë, nuk binden, madje e marrin thjesht si një hakmarrje politike deklaratën se kemi prova por nuk i themi. Kjo ka marrë fund. Ke prova, çoi para gjykatës. Çështja e kafes, le të vazhdojë të pijë kafe në livadhet e qeverisë. Por jam i sigurt që do e afrojmë Shqipërinë më shumë me BE dhe SHBA. Ky është zotimi im”, u shpreh Berisha.
Discussion about this post