Ministria e Jashtme kineze tha sot se Pekini “dënon fuqimisht” sulmet amerikane ndaj objekteve bërthamore në Iran, duke shtuar se ato “çuan në një përshkallëzim të tensioneve në Lindjen e Mesme”.
“Kina u bën thirrje të gjitha palëve të përfshira në konflikt, dhe veçanërisht Izraelit, të zbatojnë një armëpushim sa më shpejt të jetë e mundur”, shtoi ajo në një deklaratë.
Shtetet e Bashkuara bombarduan sot tre vende kryesore bërthamore në Iran duke iu bashkuar ofensivës së nisur nga Izraeli më 13 qershor.
Shumë vende anembanë botës kanë bërë thirrje për një “ulje të tensioneve”.
Presidenti kinez Xi Jinping pohoi të enjten se një armëpushim midis Iranit dhe Izraelit ishte “prioriteti kryesor”, gjatë një bisede telefonike me homologun e tij rus, Vladimir Putin.
“Forca nuk është mënyra e duhur për të zgjidhur mosmarrëveshjet ndërkombëtare”, shtoi ai gjatë telefonatës.
Discussion about this post