Kina ka evakuuar pothuajse 800 qytetarë të saj nga Irani për shkak të konfliktit të vazhdueshëm me Izraelin, tha sot Pekini.
“Më shumë se 1 000 shtetas të tjerë kinezë janë duke u evakuuar”, tha zëdhënësi i Ministrisë së Jashtme Guo Jiakun.
Ambasadat kineze në shtetet fqinje të Azerbajxhanit dhe Turkmenistanit kanë ndihmuar shtetasit kinezë të largohen nga rajoni.
Misionet diplomatike të Kinës në Izrael dhe Iran kanë këshilluar qytetarët të largohen nga vendi sa më shpejt të jetë e mundur – për shkak të përshkallëzimit të situatës.
Guo konfirmoi se disa kinezë tashmë ishin larguar nga Izraeli.
Presidenti kinez XI Jinping ka shprehur shqetësimin për rritjen e tensioneve të shkaktuara nga sulmet e Izraelit kundër Iranit.
Ai u bëri thirrje të gjitha palëve të shmangnin përshkallëzimin e mëtejshëm.
“Kina është e përgatitur të punojë me të gjitha palët për të rivendosur stabilitetin në Lindjen e Mesme”, shtoi ai.
Sulmet në Lindjen e Mesme po vazhdojnë për të gjashtën ditë me radhë, mes shqetësimeve nëse Shtetet e Bashkuara të Amerikës po përgatiten për t’ju bashkuar sulmeve të Izraelit ndaj vendeve bërthamore dhe ushtarake iraniane.
Discussion about this post