Skandali me “Kinder Surpirzë” që po helmon konsumatorët për shkak se përmban salmonelë ka sjellë panik edhe në Shqipëri. Në vendin tonë tregtohet ky lloj produkti, por nuk dihet nëse janë të sigurta dhe të kontrolluara.
Në lidhje me këtë çështje ka reaguar Autoriteti Kombëtar i Ushqimit, që shpjegon se lotet problematike që janë hequr nga tregu në Europë nga kompania “Ferrero” nuk ka hyrë në Shqipëri. Sipas AKU, në rastet kur një produkt rezulton jashtë norme në BE, atëherë edhe institucionet shqiptare njoftohen për të.
“Kur bëhen importe të produkteve që dalin dhe nëpër Evropë jashtë norme, jemi pjesë e një sistemi alertimi, tek i cili raportojmë në rastet kur kemi njoftime mbi gjurmueshmërinë e produktit të tërhequr, bllokuar, asgjësuar. Ky nuk është rasti.
Nuk ka patur hyrje në PIK të këtij loti, kështu që nuk jemi në sistemin e raportimit dhe tërheqjes nga platforma RASFF Në lidhje me rastin konkret të bllokimit të produktit Kinder Surprise nga Britania e Madhe duam të njoftojmë se nga sistemi ndërkombëtar RASFF nuk ka asnjë njoftim për Shqipërinë për Lotët problematikë”, shprehet AKU. Sakaq, bëhet me dije se pjesa më e madhe e të helmuarve në botë janë fëmijë të moshës 5 vjeç
Discussion about this post