Kishin fshehur kanabisin në kofano, arrestohen 2 të rinj në Korçë

Policia e Korçës ka vënë në pranga dy persona, të cilëve gjatë kontrollit fizik të automjetit me të cilin po udhëtonin iu është gjetur 1 kg kanabi, si dhe një grirëse metalike për lëndë narkotike. Raportohet se shtetasi M. Ll., 29 vjeç, është lokalizuar teksa lëvizje me automjetin tip “Fiat”, në afërsi të fshatit Bulgarec, gjatë kontrollit të të cilit, në pjesën e brendshme të kofanos, u gjet 1 kg lëndë të dyshuar narkotike kanabis, e cila u sekuestrua në cilësinë e provës materiale.

Ndërkohë që pas hetimeve ka rezultuar se bashkëpunëtor i dyshuar në këtë veprimtari kriminale ishte edhe K. D, i cili kryente kontrollin e rrugës me mjetin tip “Smart”.  Gjatë kontrollit të banesës së këtij shtetasi, mësohet se shërbimet e policisë gjetën një sasi të vogël lënde të dyshuar narkotike kanabis dhe një grirëse metalike për lëndë narkotike.