Policia e Kosovës ka zbuluar një laborator droge në fshatin Shkabaj të Obiliqit, gjatë një kontrolli të banesës që ishte përshtatur për të prodhuar lëndë narkotike. Në bodrumin e banesës u gjetën 700 rrënjë kanabis, të gjata mbi 2 metër.
Policia e Kosovës ka vënë në pranga dy persona të dyshuar si të përfshirë në këtë veprimtari kriminale. Mbi ta rëndojnë veprat penale “Kultivimi i bimës së hashashit, shkurres së kokainës ose bimëve të kanabisit”.
“ Në këtë çështje penale, prokurori i shtetit ka aplikuar masat e fshehta dhe teknike të vëzhgimit dhe hetimit, me ç’ rast me aktvendim të njëjtit janë ndaluar në kohëzgjatje prej 48 orëve dy (2) persona të dyshuar, për shkak të veprës penale “Kultivimi i bimës së hashashit, shkurres së kokainës ose bimëve të kanabisit”, njofton prokuroria.
Discussion about this post