Gjykata e Vlorës ka vendosur që të lërë në burg Anest Rrapaj. Kujtojmë se 40- vjeçari u arrestua pak ditë më parë në shtëpinë e barit që u zbulua në Vlorë. Ndërkohë për tre punonjësit e OSHE te arrestuar nga policia është vendos masa e sigurisë detyrim paraqitje. Seanca është drejtuar nga gjyqtare Elona Mihali, e cila në bazë të fakteve dhe materialeve të grumbulluara vendosi masat e mësipërme për tre të arrestuarit.
Kujtojmë se katër ditë më parë u vunë në pranga Elmaz Elmazi 33 vjeç, Erand Malkaj 32 vjeç, banues në Vlorë, me detyrë elektricistë pranë OSHEE Vlorë, dhe Marsel Rrapaj 33 vjeç, banues në Vlorë, me detyrë faturist pranë OSHEE Vlorë, për veprën penale “Shpërdorim i detyrës”. Arrestimi i tyre u bë pasi në zonën që ata kishin në monitorim, nuk kanë konstatuar lidhjet e paligjshme të energjisë elektrike në banesën në përdorim nga Anest Rrapaj 40 vjeç që ishte përshtatur si ambient për kultivimin e bimëve narkotike cannabis sativa në kushte laboratorike.
Discussion about this post