Kishte 67 vite pa u larë, vdes iraniani. Nuk do ta besoni arsyen pse nuk bënte dush

Një burrë nga Irani i cili cilësohej si njeriu më i pisët në botë ka ndërruar jetë në moshën 94-vjeçare. Mësohet se Amou Haji kishte rreth 67 vjet pa u larë dhe ndërroi jetë të dielën në fshatin Dejgah.

Haji zgjodhi të shmangte dushin nga frika se do t’i sillte fat të keq dhe do ta sëmurte. Por “për herë të parë disa muaj më parë, fshatarët e kishin çuar atë të bënte banjo”, tha një zyrtar lokal për mediat shtetërore iraniane.

“Jo shumë kohë më vonë, ai u sëmur dhe më në fund, të dielën … ndërroi jetë,” raportoi IRNA.

Zoti Haji, i mbiquajtur “njeriu më i ndyrë në botë”, ka vdekur në moshën 94 vjeçare. Ai është fotografuar këtu në vitin 2018 në Dezhgah në Iran.