“Kishte demokratë”, Basha për protestën e Berishës: Ndjej dhimbje se po keqpërdoren

Teksa po fliste për situatën në PD, Lulzim Basha u pyet për protestën e zhvilluar sot nga Berisha, për të cilën tha se aty kishte edhe demokrat që dikur ishin në krah të tij. Sipas Bashës, ata po gabojnë për shkak se po keqpërdoren nga Berisha

“Pjesa personale është ajo që dua të them. Kishte persona që i janë ngjitur pas Berishës. Kishte demokrat që unë i njoh dhe i kam patur në krah. T’i shohësh të keqpërdoren për interesa personale, kur partia iu ka dhënë gjithçka. Të shohësh kur përdorën, ndjesia e parë është dhimbje, për shkak se po shiten edhe pse nuk e meritojnë. Ata janë njerëz që po vuajnë për shkak të gabimeve. Por, e pranojë që edhe unë kam përgjegjësinë time. Mendoj që nuk po gabojnë për vend pune por po përdoren, prandaj ndjej keqardhje”, tha ai. Ndërsa tha se i fton ata të reflektojnë dhe të shkojnë sërish përkrah tij ashtu sikur i ka pasur dikur.