11 persona janë arrestuar paraditen e sotme në Elbasan, pasi po luanin në një pikë bastesh. Bëhet me dije se në pranga ka rënë dhe pronari i lokalit, i cili kishte kthyer lokalin në pikë bastesh dhe zhvillonte prej disa kohësh këtë aktivitet të jashtligjshëm.
Arrestimi i tyre është bërë pas finalizimit të operacionit policor i koduar “Poker”, për goditjen e veprimtarisë në fushën e lojërave të fatit. Ndërsa bëhet me dije se në pranga ka rënë A. P., 57 vjeç, banues në lagjen “5 Maji”, Elbasan, pronari i lokalit ku ushtrohej veprimtaria e kundërligjshme e lojërave të fatit.
Gjithashtu u proceduan penalisht në gjendje të lirë shtetasit V. T., D. S., M. G., Sh. H., P. B., S. D., A. B., K. C., B. K. dhe B. L., klientë në lokalin e shtetasit A. P., të cilët u kapën në flagrancë duke ushtruar aktivitetin e kundërligjshëm të lojërave të fatit. Në cilësinë e provës materiale u sekuestruan një tavolinë pokeri, çipsa, zare, letra bixhozi, lekë dhe sende të tjera. Materialet u rereferuan në Prokurorinë pranë Gjykatës së Shkallës së Parë Elbasan, për veprime të mëtejshme.
Discussion about this post