Një 47-vjeçar është arrestuar në në Fushë Krujë, pasi policia ka gjetur në pronën e tij të kultivuar disa fidanë të dyshuar si kanabis sativa.
I arrestuari është Lulzim Kani, i cili akuzohet për veprën penale “Kultivim të bimëve narkotike”.
Njoftimi i policisë:
Goditet një rast i tentativës për kultivimin e bimëve narkotike, vihet në pranga 1 shtetas. Arrestohet në flagrancë dhe një shtetas që tentoi të kalojë kufirin me dokumente të falsifikuara.
Strukturat e DVP Durrës, në bashkëpunim me shërbimet e Komisariatit të Policisë Krujë, në zbatim të planit të masave me qëllim parandalimin e kultivimit të kanabisit, kanë vijuar kontrollet në sipërfaqe të pyllëzuara, banesa të braktisura nga pronarët, si dhe në ato banesa për të cilat disponohet informacion policor se mund të ketë tendencë për kultivim të bimëve narkotike. Si rezultat i kontrolleve, në Fushë Krujë, në pronën e shtetasit L. K. janë gjetur të kultivuar disa fidanë të dyshuar cannabis sativa, të cilët u sekuestruan në cilësinë e provës materiale.
Në vijim të veprimeve, nga specialistët për Hetimin e Krimeve në Komisariatin e Policisë Krujë u bë ndalimi me iniciativë i shtetasit L. K., 47 vjeç, banues në Fushë Krujë, për veprën penale “Kultivimi i bimëve narkotike”.
Materialet i kaluan Prokurorisë së Rrethit Gjyqësor Krujë dhe Prokurorisë së Rrethit Gjyqësor Durrës, për veprime të mëtejshme.
