Një 34-vjeça në Lushnje është arrestuar nga policia për zjarrvënie. Sipas njoftimit të policisë, shtetasi E. L., 34 vjeç, ka qenë duke djegur barëra në tokën e tij në fshatin Jaxhias, Lushnjë, por flakët i kanë dalë jashtë kontrollit. Për pasojë janë djegur sipërfaqe toke të mbjella me ullinj në pronësi të shtetasve Sh. K dhe N. Sh.
“Në vijim të punës hetimore për zbulimin dhe vënien përpara përgjegjësisë ligjore të autorëve të zjarrvënieve të qëllimshme apo nga pakujdesia, specialistët për Hetimin e Krimeve në Komisariatin e Policisë Lushnjë arrestuan në flagrancë shtetasin E. L., 34 vjeç, pasi duke djegur barëra në tokën e tij në fshatin Jaxhias, Lushnjë, si pasojë flakët e zjarrit kanë dalë jashtë kontrollit dhe janë djegur ullinj në pronësi të shtetasve Sh. K dhe N. Sh”, njofton policia.
E.H /gijotina.com/
