Kristian Asllani mund të ishte “heroi” i Interit në përballjen me Barcelonën në “Camp Nou”, takim i cili ishte i vlefshëm për fazën e grupeve të Champions League.
Në minutat e fundit të sfidës e cila përfundoi 3-3, mesfushori shqiptar doli i vetëm përballë portierit, Ter Stegen, me këtë të fundit që neutralizoi goditjen e 20-vjeçarit shqiptar.
Por një kritikë që nuk pritej ishte nga legjenda e futbollit botëror, Tierry Henry. Golashënuesi i njohur francez, i cili ka fituar Ligën e Kampioneve pikërisht me fanellën e katalanasve në sezonin 2008-2009, teksa komentonte ndeshjen e mesjavës në studion e “CBS Sports”, është ndalur pikërisht tek ai moment, duke kritikuar mesfushorin e ri shqiptar.
“Nëse do të flasim për Asllanin, dhe unë do ta përmend gjithë natën, pasoje topin! Nuk bëhet fjalë vetëm për ty. Çfarë djali lakmiqar!”, ishte komenti i Henri i cili duket ka mbetur i zhgënjyer nga gjuajtja e futbollistit shqiptar i cili kishte edhe mundësinë të pasonte topin te Mikhtarian dhe të mbyllte kualifikimin.
Discussion about this post