Komisioni i Pavarur i Kualifikimit ka shkarkuar sot nga detyra Shkarkimin Daniela Sulajn me funksion prokurore, aktualisht magjistrate e komanduar si inspektore pranë Zyrës së Inspektorit të Lartë të Drejtësisë.
Në vendimin e publikuar thuhet se, subjekti i rivlerësimit ka kryer deklarim të pamjaftueshëm për kriterin e kontrollit të pasurisë. Konkretisht, të dhënat kanë treguar se prokurorja ka mungesë të burimeve financiare të ligjshme në shumën prej -3,408,493 lekë për të përballuar blerjen e pasurisë “truall” në datën 2.9.2013. Gjithashtu ajo nuk mundi të justifikonte as shumën 1,911,246 lekë për investimin e kryer për shtëpinë e banimit në vitin 2013.
Gjithashtu, gjatë seancës Sulajt i janë paraqitur edhe disa gjetje negative në lidhje me profesionalizmin, të cilat kanë ardhur nga denoncimet e disa qytetarëve.
