Pavarësisht problemeve dhe ndarjes së Shakiras dhe Gerard Pique, gjithçka duket se është vetëm mes çiftit, pasi në familjen e yllit kolumbian ata ende e konsiderojnë futbollistin e skuadrës së Barcelonës pjestar të familjes së tyre.
Nëna e artistes foli me përfaqësues të mediave jashtë spitalit Teknon-Quiron në Barcelonë, ku ndodhet i shtruar zoti William Mebarak, babai i këngëtares kolumbiane. Teksa u pyet nëse Pique është ende pjesë e familjes së Shakirës, ajo tha: “Sigurisht, po, ne jemi ende familje”.
Mësohet që Pique është një nga ata persona që nuk ka reshtur së shqetësuari për atë që po ndodh me zotin Mebarak, i cili madje ka vizituar vjehrrin e tij në spital, gjest për të cilin familja e Shakirës i është mirënjohës.
Kështu, duket qartë se pavarësisht problemeve mes lojtarit dhe këngëtares dhe mosmarrëveshjes që kanë për kujdestarinë e fëmijëve të tyre, afeksioni i Pique për vjehrrin është ende i paprekur dhe ai kujdeset për gjithçka që ndodh me të.
Zonja Nidia del Carmen u pyet gjithashtu nëse Shakira ishte këtë të diel në spital me të atin dhe përgjigja ishte ‘po’, diçka që këngëtarja e ka bërë çdo ditë për të qenë në dijeni për shëndetin e babait të saj 91 vjeç.
Discussion about this post