Shtëpia që shihni është vendi ku ndodhi krimi i dyfishtë në fshatin Dragostunjë të Librazhdit. Shtëpia është rrethuar nga policia dhe të afërm të viktimave, që kanë shkuar në vendngjarje.
Ngjarja tragjike ndodhi pak më parë, ku 56-vjeçari Qemal Bici masakroi me sëpatë bashkëshorten e tij, 53-vjeçaren Menturie Bici, dhe më pas u var në një pemë pranë banesës.
Mësohet se autori krimit ishte një tip konfliktual dhe kohët e fundit vuante nga depresioni, ndërsa ishte dhe përdorues i alkoolit. Mësohet se edhe sot 56-vjeçari është parë në gjendje të rënduar nga konsumimi i alkoolit.
Ndërkohë, mësohet se sa herë grindej me bashkëshorten, e kërcënonte se do ta vriste. Çifti ishin prindër të katër fëmijëve, ndërsa kanë qenë pikërisht këta të fundit që kanë parë sot trupat e pajetë të tyre.
