Jurgen Klopp po përgatitet për grupin ‘më të vështirë’ në Champions League që kur mbërriti në Liverpool dhe vlerësoi Milanin para ndeshjes.
“Ata po bëjnë mirë për 18 muaj, Zlatan Ibrahimovic është një nga më të mirët ndonjëherë”.-u shpreh trajneri gjerman.
Më tej duke folur në prag të kësaj ndeshjeje, Klopp theksoi se përballja me kuqezinjtë e Italisë është në të vërtetë një betejë Europiane.
“Nëse mendoni për ndonjë betejë evropiane, LFC kundër AC Milan është një gjë që duhet parë. Milani nuk ka qenë në Champions League për vite me radhë, por po bën mirë për 18 muaj. Ata e filluan këtë sezon mirë, kështu që do të jetë e vështirë. Ka disa lojëra të mira në këtë Champions League, kjo është një.
Ka të bëjë me marrjen e pikëve të mjaftueshme për të kaluar, kështu që ne nuk duhet të humbim kohë. Ka kaluar shumë kohë që kur kishim një ndeshje në shtëpi në Anfield [me tifozët]. Netët evropiane në Anfield … mezi pres ta përjetoj atë përsëri.”- tha Klopp në një konferencë për shtyp.
Gjermani më pas foli për kërcënimin e mundshëm ylli i Milanit, Ibrahimovic, të cilin e konsideron si një nga lojtarët më të mirë të të gjitha kohërave, por ndërsa Klopp foli për shtypin, suedezi thuhet se do të humbasë sfidën për shkak të një dëmtimi./Gijotina.com
