Trashëgimtarja e L’Oréal Françoise, Bettencourt Meyers, është radhitur për të dytin vit radhazi si gruaja më e pasur në botë, sipas listës së miliarderëve nga Forbes.
Me vlerë rreth 74.8 miliardë dollarë, Bettencourt Meyers është rreth 1.2 miliardë dollarë më e pasur se një vit më parë, duke e bërë atë personin e katërmbëdhjetë më të pasur në botë.
68-vjeçarja është nënkryetare e bordit të L’Oréal, kompania më e madhe në botë e kozmetikës dhe bukurisë, të cilën gjyshi i saj kimisti Eugène Paul Louis Schueller e themeloi në vitin 1909. Bettencourt Meyers u rendit për herë të parë në listën e miliarderëve të Forbes në 2018-ën, pasi nëna e saj, Liliane Bettencourt – në atë kohë gruaja më e pasur e planetit – vdiq në vitin 2017 në moshën 94 vjeçare.
Bettencourt Meyers dhe familja e saj zotërojnë rreth 33% të aksioneve të L’Oréal. Ajo ka qenë anëtare e bordit të kompanisë që nga viti 1997. Dy djemtë e saj, Jean-Victor Meyers dhe Nicolas Meyers, janë gjithashtu në bord. Si prodhuesi më i madh në botë i bukurisë, L’Oréal zotëron më shumë se 35 marka kozmetike, të kujdesit për lëkurën dhe të kujdesit personal.
Në përgjithësi, grupi i kompanive të L’Oréal gjeneroi më shumë se 35 miliardë dollarë të ardhura në vitin 2021 dhe kompania punëson 85,000 njerëz në mbarë botën.
Discussion about this post