Në takimin e sotëm mes Kryetares së KLGJ dhe Prokurorit të Përgjithshëm Olsian Çela, është diskutuar rreth mbarëvajtjes së sistemit gjyqësor. Gjatë takimit është diskutuar mbi propozimin e grupit ndërinstitucional të punës, rreth hartimit të hartës së re gjyqësore.
Ky projekt tashmë është dërguar në Ministrinë e Shëndetësisë e bëhet me dije se me hartën e re do të ketë rritje të eficencës dhe kapaciteteve njerëzore në sistemin gjyqësor dhe atë prokurorial.
Ministria e Drejtësisë, deri më tani nuk e ka bërë publik vendimin, por bëhet me dije se nga shtatë Gjykata Apeli aktuale, ato do të shkrihen në një institucion të vetëm.
Paraprakisht raportohet se Prokurori i Përgjithshëm ka shprehur dakordësinë e tij për miratimin dhe zbatimin e tij.
Aktualisht, për shkak të vetingut dhe mbarimit të mandateve, numri i gjyqtarëve ka rënë në 27, duke shkaktuar kështu dhe zvarritje të çështjeve të ndryshme.
Kjo është harta e re gjyqësore, ja gjykatat që do të shkrihen
Harta e re gjyqësore pritet do të jetë e përbërë nga 12 gjykata. Nga informacionet bëhet me dije se do të shkrihen gjykatat e Tropojës, Pukës, Matit, Krujës, Kavajës, Lushnjës, Përmetit, Sarandës, Pogradecit dhe Kurbinit.
Do të vijojë të qëndrojë e Shkodrës, Kukësit, Dibrës, Durrësit, Tiranës, Elbasanit, Beratit, Fierit, Vlorës, Gjirokastrës, Korçës dhe Lezhës.
Gjithashtu nga 6 gjykata të Apelit, propozohet të jetë vetëm një në Tiranë. Do të shkrihen në Korçë, Durrës, Gjirokastër, Vlorë dhe Shkodër.
Ndërkohë, pritet që të ketë një diskutim mes Ministrisë së Drejtësisë dhe institucioneve të KLGJ-së dhe KLP-së në lidhje me këtë ndryshim.
