Ata që po mendojnë të bëjnë një tatuazh bëjnë një pyetje për ata që e kanë tashmë: “Ku dhemb më shumë?”
Përgjigjet i ka dhënë i riu Soren Lorenson, i cili shprehet se është i varur nga tatuazhet dhe rendit më shumë se 200 dizajne në pjesë të ndryshme të trupit. Punonjësi i picerisë në Florida, Soren Lorenson ka dhënë një intervistë për American Sun dhe ka folur për fiksimin e tij me tatuazhet.
Të parin e ka bërë në moshën 18-vjeçare në kërthizë, pasi sipas asaj që ka pohuar i kanë thënë se kjo është pika ku dhemb më shumë, shkruan abcnews.
Një vit më vonë ai bëri dizajnin e dytë në trupin e tij dhe që atëherë ai viziton pothuajse çdo javë artistin e tatuazheve që ka zgjedhur për të bërë një të ri.
Soren Lorenson ka pohuar se tatuazhi që ka bërë në pjesën e bardhë të syrit ka qenë pa dhimbje, duke theksuar se tatuazhet më të dhimbshme janë ato në stomak, brinjë dhe përgjatë nofullës, pasi është direkt në kockë.
Discussion about this post