Nisma e marrë nga Partia Socialiste për ndryshimin e Kushtetutës nuk mund të trajtohet as nga komisionet, as në Këshillin e Legjislacionit, pa u përfshirë më parë në kalendarin e punimeve të Kuvendit. Sekretari i Përgjithshëm i PS-së, Gazment Bardhi ka reaguar në lidhje me këtë ndryshim që kërkon të bëjë mazhoranca. Konferenca e Kryetarëve e miratuar në seancën plenare, ka vendosur bashkimin e të dyja iniciativave ligjore. Bardhi e ka quajtur të njëanshme këtë kërkesë ku ka bërë me dije se nuk kemi të bëjmë me një mendim të opozitës apo mazhorancës. Sipas demokratit, duhet një proces i përbashkët, pasi dhe relatorët që do të caktohen përzgjidhen nga të dyja palët.
“Ndryshimi Kushtetues është një iniciativë që kërkon votat e më shumë se sa një grupi parlamentar dhe në këtë kuptim, do të duhet të ndërtohet një proces i përbashkët. Sot ju do të na kërkoni ne nëse do të vijohet që ne të caktojmë relatorët, sepse ndryshimet kushtetuese kanë dy relatorë, njëri nga mazhoranca dhe një nga opozita. Ne po kërkojmë shtyrjen e kësaj mbledhje”, tha Gazment Bardhi.
Sipas tij, në Kushtetutë ndërhyhet vetëm 1 herë.
“ Konferencës së Kryetarëve që është kthyer në vendim të seancën plenare dhe miratimin e një urdhri nga ana juaj që na lejon apo na mundëson shqyrtimin e të dyja iniciativave, sigurisht që një ndryshim ligjor në rastin konkret, një ndryshim Kushtetues, mund të prekë më shumë se sa një çështje. Mund të prekë gjyqësorin, parlamentin, por kjo nuk nënkupton që ne do t’i shqyrtojmë shtatë propozime për ndryshime kushtetuese, shtatë propozime t’i shqyrtojmë të ndara se nuk do të ndërhyjmë shtatë herë në Kushtetutë”, shtoi ndër të tjera demokrati.
Ai ka kërkuar shtyrjen e mbledhjes, pasi ky proces për ndërhyrjen në Kushtetutë duhet të bëhet bashkarisht. Mënyra e zgjedhur nga Partia Socialiste është në shkelje të rregullores
