Rihanna ka vendosur që të zgjerojë angazhimet e saj edhe në fushën e pasurive të paluajtshme duke blerë një apartament që me plot kuptimin e fjalës të lë pa frymë në Los Angeles.
Ajo ka shpenzuar 21 milionë dollarë për pronën, e cila më parë ishte në pronësi të superyllit të “Friends”, Mathew Perry. Në internet janë shfaqur fotografitë e rezidencës së re të këngëtares në katin e 40-të, 9300 metra katrorë, e cila është përshkruar nga agjentët e pasurive si “rezidenca në qiell”.
Apartamenti gjigant sigurisht që do të plotësojë nevojat e Rihanna-s dhe familjes së saj. Kujtojmë se çifti mirëpritën djalin vitin e kaluar dhe tani janë në pritje të një fëmije të dytë.
Rezidenca super e lartë, që nga brenda të jep përshtypjen se po lundron në ajër, krenohet me katër tarraca të jashtëzakonshme nga të cilat pronarët mund të shijojnë pamjen e jashtëzakonshme panoramike të qytetit. Dhoma e gjumit kryesore dhe katër dhomat e tjera të gjitha me pamje nga qyteti.
Brendësia e shtëpisë gjithashtu do t’ju lë pa fjalë: apartamenti përfshinte një dhomë të madhe ndenjeje me dritare nga dyshemeja deri në tavan, një kuzhinë mermeri, një dhomë lojërash me një tavolinë bilardo dhe një mini kinema në shtëpi.
Rezulton se Rihanna ka edhe një apartament tjetër më të vogël, i cili shtrihet në 3500 metra katrorë. Disa nga fqinjët e saj në ndërtesë përfshijnë Denzel Washington dhe Candy Spelling.
Discussion about this post